టోక్యో ఒలింపిక్స్‌ లో తొలి స్విమ్మర్‌ గా సాజన్‌

 టోక్యో ఒలింపిక్స్‌ లో తొలి స్విమ్మర్‌ గా సాజన్‌

భూమిపుత్ర, క్రీడలు:

టోక్యో ఒలింపిక్స్‌కు ‘ఏ’ అర్హత ప్రమాణం అందుకున్న భారత తొలి స్విమ్మర్‌గా కేరళ పోలీస్‌ అధికారి సాజన్‌ ప్రకాశ్‌ చరిత్ర సృష్టించారు. రోమ్‌ వేదికగా జరిగిన సెట్‌ కోలి ట్రోఫీలో జరిగిన 200 విూటర్ల బటర్‌ఫ్లై విభాగంలో సాజన్‌ ఒక నిమిషం 56.38 సెకన్లలో రేసు ముగించి ఒలింపిక్స్‌కు అర్హత సాధించాడు. ఒలింపిక్‌ అర్హత మార్క్‌ ఒక నిమిషం 56.48 సెకన్ల కంటే ముందే లక్ష్యాన్ని చేరుకున్నాడు. దీంతో తన పేరిటే ఉన్న జాతీయ రికార్డునూ సాజన్‌ తిరగరాశాడు. గత వారం బెల్‌గ్రేడ్‌ ట్రోఫీ స్విమ్మింగ్‌ టోర్నీలో ఒక నిమిషం 56.96 సెకన్లలో లక్ష్యాన్ని చేరి జాతీయ రికార్డు నమోదు చేశాడు.తాజాగా తను రికార్డును తానే అధిగమించి మరో రికార్డు నెలకొల్పాడు. కాగా, ఒలింపిక్స్‌లో ప్రకాశ్‌ పాల్గొననుండటం ఇది వరుసగా రెండోసారి.

2016 రియో ఒలింపిక్స్‌లోనూ పాల్గొన్నాడు. ప్రకాశ్‌ నేరుగా అర్హత పొందడంతో మరో స్విమ్మర్‌ శ్రీహరి నటరాజ్‌కు అవకాశం లేకుండా పోయింది. ర్యాంకింగ్స్‌ ఆధారంగా శ్రీహరిని ఒలింపిక్స్‌ కోసం భారత స్విమ్మింగ్‌ సమాఖ్య నామినేట్‌ చేసింది.సాజన్‌ ప్రకాశ్‌ ఒలింపిక్స్‌కు అర్హత సాధించడం పట్ల కేరళ పోలీసులు హర్షం వ్యక్తం చేశారు. ‘దేశానికి ఎంతో గర్వకారణమైన క్షణం’ అంటూ ఈ మేరకు కేరళ పోలీస్‌ విభాగం ట్వీట్‌ చేసింది. గత కొన్నేళ్లుగా డిస్క్‌, మెడ సమస్యలతో పోరాటం చేసిన సాజన్‌.. ఫినీక్స్‌ పక్షిలా ఈత కొలనులోకి దిగి ఒలింపిక్స్‌కు అర్హత సాధించడం అసాధారణం.స్మిమ్మింగ్‌ ఫెడరేషన్‌ ఆఫ్‌ ఇండియా అధికారిక ట్విట్టర్‌ ఖాతాలో ‘‘భారతీయ ఈత పోటీల్లో వాటర్‌షెడ్‌ ఉద్యమం’’ అంటూ క్వాలిఫికేషన్‌ ఈవెంట్‌కు చెందిన వీడియోను షేర్‌ చేసింది. ప్రముఖ వ్యాపారవేత్త ఆనంద్‌ మహీంద్రా కూడా ట్విట్టర్‌లో స్పందించారు.అగ్రశ్రేణి క్రీడల్లో భారతీయులు పాల్గొనే కొత్త శకానికి సూచిక నేను ముఖ్యంగా అసూయపడుతున్నాను.. చిన్నప్పటి నుంచి ఈత కొడుతున్నాను, కానీ ఇంకా బటర్‌ఫ్లై స్ట్రోక్‌లో ప్రావీణ్యం పొందలేదు..! సులభంగా నేర్చుకోడానికి చిట్కాలుంటే ఎవరైనా చెప్పండి?’’ అంటూ తనదైన శైలిలో చమత్కరించారు. కాగా క్వాలిఫయింగ్‌ ఈవెంట్‌కు మూడు రోజుల ముందే సాజన్‌ ప్రకాశ్‌ గురించి నటుడు మాధవన్‌ ట్వీట్‌ చేస్తూ.. భారత్‌ చరిత్ర సృష్టించే రోజు దగ్గరలోనే ఉందని పేర్కొన్నాడు.

Related News

Leave a Reply

Your email address will not be published. Required fields are marked *