డ్రాగన్ ఆగడాలపై గుర్రుగా ఉన్న నాటో దేశాలు

 డ్రాగన్ ఆగడాలపై గుర్రుగా ఉన్న నాటో  దేశాలు

భూమిపుత్ర, అంతర్జాతీయం:

రష్యాతో కలసి చైనా తన సైన్యాన్ని ఆధునీకరించుకోవడం, అణ్వా యుధాలను సమకూర్చుకుంటూ తమతో పోటీపడాలని చూస్తే ఊరుకునేది లేదని సంపన్న దేశాల ఆధ్వర్యంలోని సైనిక కూటమి నాటో హెచ్చరించింది. సోమవారం నాడిక్కడ జరిగిన నాటో నేతల సమావేశంలో ఈ కూటమి అధిపతి జీన్స్‌ స్టాల్టెన్‌బర్గ్‌ మాట్లాడుతూ, మిలిటరీ, రక్షణ సాంకేతిక పరిజ్ఞాన పరంగా నాటోకు సరి సమంగా బలం పెంచుకోవాలని చైనా యత్నిస్తోందని, దీనిని తాము ఎంతమాత్రం సహించబోమని అన్నారు. రెండో ప్రపంచ యుద్ధం తరువాత కమ్యూనిస్టు ప్రాబల్యం విస్తరించకుండా అడ్డుకునేందుకు అమెరికా, యూరోపియన్‌ దేశాలు కలసి ఈ రాజకీయ, సైనిక కూటమిని ఏర్పాటు చేశాయి. ప్రస్తుతం ఈ కూటమిలో 30 దేశాలు సభ్యులుగా ఉన్నాయి. చైనాతో కొత్త ప్రచ్ఛన్న యుద్ధం చేయాలని తాము కోరుకోవడం లేదని అంటూనే ఈ విధమైన హెచ్చరికలు చేశారు. జి-7 సదస్సు ముగిసిన అనంతరం అమెరికా అధ్యక్షుడు జో బైడెన్‌ నాటో సమావేశంలో పాల్గొనేందుకు కార్నివాల్‌ నుంచి నేరుగా సోమవారం నాడిక్కడకు చేరుకున్నారు. ట్రంప్‌ నాటోను పనికిరాని సంస్థ అంటూ పక్కన పెడితే, నాటోలో అమెరికా తిరిగి చేరుతున్నదని బైడెన్‌ చెప్పారు. చైనాను కట్టడి చేసేందుకు నాటో సన్నద్ధంగా ఉండాలని బైడెన్‌ అన్నారు. 72 ఏళ్ల ఈ కూటమికి అమెరికా దన్నుగా ఉంటుందని చెప్పారు.

Related News

Leave a Reply

Your email address will not be published. Required fields are marked *